राप्ती किनारमा ढुंगाहरू राखेर कलात्मक रूपमा बनाइएको ‘स्टोन पार्क’ घुम्न आउनेहरूलाई पनि उनीहरूले रैथाने नै सामग्री बेच्छन् । ‘लालीगुराँस उद्यमी महिला समूहमा हामीसहित २२ जना आबद्ध छौं । सबै जना थारू र बोटे समुदायका मात्रै छौं,’ सरिताले भनिन् ।

स्थानीयका हस्तकलाका साथै कृषि उत्पादन तरकारी, मह, फलफूल, बेसार, मस्यौरा, चिया, दुग्ध उत्पादन घिउ, मही, दही, खुवा, कुरानी, दाल, चामल, गेडागुडी र बेकरीसहित खानाका परिकार बनाएर बेच्नका लागि रैथाने बजार सुरु गरेको वडाध्यक्ष विष्णुराज महतोको भनाइ छ । २१ वर्षदेखि तरकारी खेती गर्दै आएका पटिहानी पदमपोखरीका विष्णु गुरुङ पनि करेला, काँक्रा लिएर रैथाने बजारमा आएका थिए । पदमपोखरीकै सहनशीला बुहारी समूहले धूलो 

बेसार, महलगायत बेच्न राखेको थियो । ‘बजारले स्थानीयलाई आर्जनको अवसर दिने, उत्पादनको बजारीकरणमा सहयोगी हुने, कृषक, उत्पादक र उपभोक्ता सबैको हित हुनेछ,’ भरतपुर महानगरकी मेयर रेनु दाहालले भनिन् । पर्यटकीय होटल कसरा रिसोर्टका महाप्रबन्धक सन्तोष कुँवर पर्यटक रैथाने उत्पादनप्रति आकर्षित हुने बताउँछन् ।