काठमाडौँ — बैंक तथा वित्तीय संस्थाले आउादो माघका लागि पनि निक्षेपको ब्याजदर घटाएका छन् । बैंक तथा वित्तीय संस्थाले सोमबार प्रकाशित गरेको नयाँ ब्याजदरअनुसार माघमा निक्षेपको औसत ब्याजदरमा कमी आएको हो ।

माघका लागि तीन वटा वाणिज्य बैंकले निक्षेपको ब्याजदर घटाएका छन् भने १७ वटाले स्थिर राखेका छन् । जसअनुसार कृषि विकास बैंकले एक वर्षे व्यक्तिगत मुद्दती निक्षेपको ब्याजदर ०.०६ प्रतिशत र नेपाल एसबीआई बैंकले ०.५० प्रतिशत घटाएका छन् ।

तर, हिमालयन बैंकले साधारण निक्षेपको ब्याजदर ०.०१० प्रतिशतले घटाएको छ । बाँकी सबै वाणिज्य बैंकले निक्षेपको ब्याजदर यही पुसकै बराबर प्रकाशित गरेका छन् ।

माघका लागि एकवर्षे व्यक्तिगत मुद्दती निक्षेपको औसत ब्याजदर ६.००१ प्रतिशत र साधारण बचतको ४.४७ प्रतिशत कायम भएको छ । यही पुसमा लागि एकवर्षे व्यक्तिगत मुद्दती निक्षेपको औसत ब्याजदर ६.०२९ प्रतिशत र साधारण बचतका ४.५३ प्रतिशत थियो ।