काठमाडौँ — सेयर कारोबार मापक नेप्से परिसूचक ३६.८३ अंकले घटेको छ । नेप्से आज १.३२ प्रतिशतले घटेर २७४९.५७ विन्दुमा ओर्लिएको छ ।
कुल ५३ कम्पनीको मूल्य बढ्यो भने १८८ कम्पनीको मूल्य घट्यो । २ कम्पनीको मूल्य स्थिर रह्यो । कुल १३ उपसमुहमा म्युचअल फन्ड शून्य दशमलव १० प्रतिशतले वृद्धि भयो भने अन्य सबै उपसमहुहरु घटे ।
जिवन बिमा २८८.८१ अंक, निर्जीवन बिमा २५२.३३ र होटल तथा पर्यटन १३२.५० अकंले घटेको छ । १ लाख ४६ हजार २०४ पटकको सेयर किनबेच भयो । कुल २ करोड ८३ लाख ४६ हजार २४६ कित्ता सेयर किनबेच हुँदा १२ अर्ब २४ करोड ३६ लाख रुपैयाँ कारोबार भएको छ ।
कुथेली बुखारी स्मल हाइड्रोपावर र रसुवागढी हाइड्रोपावर कम्पनीको मूल्य १० प्रतिशतले बढ्यो । थ्री स्टार हाइड्रोपावरको मूल्य १० प्रतिशतले घट्यो ।
