अघिल्लो कार्यकालमा सुरु गरेको नीतिगत सुधारलाई अगाडि बढाउँछु : मन्त्री भण्डारी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — नवनियुक्त श्रम, रोजगार तथा सामाजिक सुरक्षामन्त्री शरदसिंह भण्डारीले आन्तरिक श्रम बजारको सवलीकरण र वैदेशिक रोजगार क्षेत्रमा देखिएको विकृतिलाई हटाउन आफूले अघिल्लो कार्यकालमा सुरु गरेको नीतिगत सुधारलाई निरन्तरता दिने बताएका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![अघिल्लो कार्यकालमा सुरु गरेको नीतिगत सुधारलाई अगाडि बढाउँछु : मन्त्री भण्डारी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/untitled-5-1572024042224-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
‘यो स्थायित्व बोकेको सरकार हो । हामीलाई कुनै किसिममा नाटक वा स्टण्ड गर्ने छुट छैन । सबै पक्षलाई इमान्दारपुर्वक नतिजा दिन सकेनौँ भने हाम्रो असफलता हुन्छ,’ दोश्रो पटक श्रमको कार्यभार समाल्दै मन्त्री भण्डारीले भने, ‘आन्तरिक रोजगारको सुनिश्चिता र वैदेशिक रोजगारमा भएका बिकृति हटाउन चालिएका नीतिगत सुधारलाई निरन्तरता दिनेछु ।’
मन्त्रालयको जिम्मेवारी लिए लगत्तै मन्त्री भण्डारीले वैदेशिक रोजगार ऐन र श्रम ऐन परिमार्जन गर्न अलग–अलग कार्यदल गठन गर्ने र आगामी आर्थिक वर्ष मन्त्रालयले बनाएको कार्ययोजनालाई लागू गर्ने निर्णय गरेका छन् ।
उनी गत फागुन २१ गते श्रम मन्त्रालयबाट बाहिरिएका थिए । त्यस लगत्तै जिम्मेवारी पाएका निवर्तमान श्रममन्त्री डोलप्रसाद अर्यालले लिएका नीतिलाई निरन्तरता दिइने बताए । ‘म पछि आउनुभएका मन्त्रीबाट राम्रै काम गर्नुभएको होला । त्यसमा मलाई भन्नु केही छैन । उहाँले गरेका कुराहरुलाई अगाडि बढाउनुपर्छ । संस्थाले गरेका कुराहरु संस्थागत हुन्छ । हिजो को थियो ? भोलि को आँउछ ? यो निरन्तर अगाडि बढ्ने प्रक्रिया हो,’ उनले भने,‘हामीले पनि केही सुधारका नीतिगत कुराहरुे अगाडि बढाएका थियौं । त्यसले निरन्तता पाउनेछ ।’
उनले श्रम मन्त्रालयलाई सबैको आर्कषण र सम्मानयोग्य मन्त्रालय बनाउने लक्ष्य राखेर श्रममा फर्किएको बताए । ‘यो मन्त्रालयको छनोट धेरैले पहिला नै गर्दैन । कसैले भौतिक, उर्जा, अर्थ, शहरी, पर्यटन चाहियो भन्छ । श्रम त अन्तिममा मात्रै हो,’ उनले भने, ‘कर्मचारी तन्त्रमा पनि श्रम मन्त्रालयमा सरुवा हुदा फालिएको अनुभव गर्छन् । मेरो प्रयास श्रम मन्त्रालयको आर्कषण बढाउने हो । भोलि श्रममा आउनको चाहे राजनीतिक नेता होस् वा कर्मचारी १० ठाउँमा कुदेर जानु नपरोस् । त्यो हैसियतमा पुर्याउन सकिन्छ । यसमा म ढुक्क छु ।’
![](https://assets-cdn.ekantipur.com/uploads/source/ads/900-x-100-1-0282024055738.gif)