काठमाडौँ — नेपाल स्वास्थ्य व्यवसायी महासंघले सातै वटा प्रदेशमा आयोजना भइरहेको श्रमाधान रोजगार मेलामा स्वास्थ्य शिविर राखेको छ । शिविरमा स्वास्थ्य परीक्षण हुनुको साथै निशुल्क औषधि वितरण भइरहेको छ ।

श्रम, रोजगार तथा सामाजिक सुरक्षा मन्त्रालयले आन्तरिक रोजागर प्रवर्धन र सुरक्षित वैदेशिक रोजगारीको सूचना प्रवाह गर्न जेठ १७ गते कोशीबाट  श्रमाधान रोजगार मेला सुरु गरेको हो । कोशीबाट सुरु भएको यो मेला हरेक प्रदेशमा दुई दिन चल्नेछ । कोशीमा भएको शिविरमा दुईसय जनाको परीक्षण भएको छ ।  

यो मेला जनकपुर (१९–२०), पोखरा (२१–२२), वुटवल २३–२४), धनगढी (२५–२६), सुर्खेत (२७–२८) र ललितपुर (२९–३०)मा हुदैछ । स्वास्थ्य ब्यवसायी महासंघका अध्यक्ष कैलाश खड्काका अनुसार डा. पर्शुराम घिमिरेको नेतृत्वमा ७ वटै प्रदेशमा चिकित्सकको टोली खटाइएको छ ।