एक वर्षमा भित्रियो १२ खर्ब २० अर्ब रेमिट्यान्स
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — गत आर्थिक वर्ष २०७९/८० मा कुल १२ खर्ब २० अर्ब रुपैयाँ रेमिट्यान्स भित्रिएको छ । नेपाल राष्ट्र बैंकले सार्वजनिक गरेको गत आर्थिक वर्षको वित्तीय प्रतिवेदनअनुसार रेमिट्यान्स आप्रवाह अघिल्लो आर्थिक वर्ष २०७८/७९ को तुलनामा २१.२ प्रतिशतले बढेको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![एक वर्षमा भित्रियो १२ खर्ब २० अर्ब रेमिट्यान्स](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/remit2311-1882023101317-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
असार महिनामा मात्रै कुल १ खर्ब ८ अर्ब रुपैयाँ बराबर रेमिट्यान्स भित्रिएको छ । वैदेशिक रोजगारीमा जाने नेपालीको संख्या बढ्दा रेमिट्यान्समा उल्लेख्य वृद्धि देखिएको हो । अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या गत आर्थिक वर्ष ४०.३ प्रतिशतले वृद्धि भई ४ लाख ९७ हजार ७०४ पुगेको प्रतिवेदनमा उल्लेख छ । पुनः श्रम स्वीकृति लिने नेपालीको संख्या भने समीक्षा वर्षमा १.८ प्रतिशतले कमी आएको छ । गत आर्थिक वर्ष पुनः श्रम स्वीकृति लिएकाको संख्या २ लाख ७७ हजार २७२ पुगेको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)