वैदेशिक रोजगारीमा मृत्यु भएका श्रमिकका परिवारलाई राहत रकम बढाइने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — वैदेशिक रोजगार बोर्डले श्रम स्वीकृतिको अवधिभित्र गन्तव्य देशमा मृत्यु भएका नेपाली श्रमिकको परिवारलाई दिइँदै आएको राहत रकम बढाउने निर्णय गरेको छ । राहत रकम निर्धारण गर्न श्रमसचिव केवलप्रसाद भण्डारीको नेतृत्वमा अध्ययन समिति गठन गरिएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![वैदेशिक रोजगारीमा मृत्यु भएका श्रमिकका परिवारलाई राहत रकम बढाइने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/dead-body-from-malasiya-19-2472021061859-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
श्रम, रोजगार तथा सामाजिक सुरक्षामन्त्री शरतसिंह भण्डारीको अध्यक्षतामा बसेको बोर्डको बैठकले मृतकका परिवारलाई दिइँदै आएको आर्थिक सहायता रकम बढाउने निर्णय गरेको हो ।
‘अहिले दिइँदै आएको ७ लाख रुपैयाँ अपुग भयो । कम्तीमा १० लाख रुपैयाँ निर्धारण हुनेछ । त्योभन्दा बढी निर्धारण गर्नको लागि अध्ययन समिति बनाइएको छ । कोषको क्षमता हेरी हामी अब राहत रकम तोक्नेछौं’, सचिव भण्डारीले भने । यसको लागि चालु आर्थिक वर्षको बोर्डको राहत रकमको बजेट बढाइएको छ ।
बोर्डले २०७४/७५ देखि मृतक परिवारलाई ७ लाख रुपैयाँ उपलब्ध गराइँदै आएको थियो । श्रमिकले श्रम स्वीकृति गर्ने बेला जम्मा गरेको कल्याणकारी कोषबाट बोर्डले राहत रकम उपलब्ध गराउँदै आएको हो । यो कोषमा सरकारी रकम जम्मा हुँदैन । कोषमा श्रमिकले तीन वर्षसम्मको श्रम स्वीकृति लिँदा एक हजार पाँच सय र त्यसभन्दा बढीको लागि दुई हजार ५ सय रुपैयाँ अनिवार्य रुपमा जम्मा गर्नुपर्छ ।
बोर्डले ०६५ देखि ७८/७९ सम्म १० हजार ६ सय ६६ जनालाई आर्थिक सहायता रकम उपलब्ध गराइसकेको छ । बोर्डले मृतकका परिवारको लागि उपलब्ध गराउँदै आएको वार्षिक शैक्षिक छात्रबृत्ति पनि बढाउने निर्णय गरेको छ । अब कक्षा ८ सम्मको लागि १२ हजार र कक्षा १२ सम्मको लागि १६ हजार ५ सय रुपैयाँ शैक्षिक छात्रबृत्ति दिइने भएको हो । यसअघि कक्षा ८ सम्म ८ हजार र १२ कक्षासम्मको लागि १२ हजार चार सय रुपैयाँ दिइँदै आएको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)