बुटवलमा रोजगार मेला
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
बुटवल — बजारको मागअनुसार जनशक्ति आपूर्ति गर्न भन्दै बुटवलमा रोजगार मेला सुरु भएको छ । नेपाल उद्योग वाणिज्य महासंघ, बुटवल उद्योग वाणिज्य संघ रुपन्देही र बुटवल उपमहानगरपालिकाको संयुक्त आयोजनामा मंगलबारदेखि मेला सुरु भएको हो । दुई दिने मेलामा २९ वटा उद्योग प्रतिष्ठानको सहभागिता छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![बुटवलमा रोजगार मेला](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/bbbbbbbbbbbbbbbbbbb-2352023022616-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
मेला उद्घाटन गर्दै उद्योग वाणिज्य महासंघ लुम्बिनीका प्रदेश अध्यक्ष कृष्णप्रसाद शर्माले नेपाली युवा कामको खोजीमा विदेश जानुपर्ने र नेपाली उद्योगीले बाहिरबाट कामदार ल्याउनु पर्ने बाध्यता अन्त्य हुनुपर्ने बताए । उनले कामका लागि बाहिर जाने प्रवृत्ति रोक्न र उद्योगी व्यवसायीले बाहिरबाट कामदार ल्याउनु पर्ने बाध्यता अन्त्य गर्न समन्वय आवश्यक रहेकोमा जोड दिए ।
उद्योग वाणिज्य महासंघका उद्योग समितिका सभापति राजेशकुमार अग्रवालले यहाँका उद्योगमा बाहिरबाट ल्याउनु पर्ने जनशक्ति यहींबाट पूर्ति गर्न सकियो भने उद्योगी/ व्यवसायीलाई पनि सहज हुने बताए ।
![](https://assets-cdn.ekantipur.com/uploads/source/ads/900-x-100-1-0282024055738.gif)