कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

१० लाख हेक्टर जमिन बाँझो छ : कृषिमन्त्री भुसाल

‘विदेशिने युवालाई यहीँ रोक्ने हो । हाम्रो रैथाने बालीलाई संरक्षण गर्दै उन्नत बिउ बनाउन कृषि अनुसन्धान केन्द्रले अनुसन्धान गरिरहेको छ ।’
वीरेन्द्र केसी

अर्घाखाँची — कृषि तथा पशुपंक्षी विकासमन्त्री वेदुराम भुसालले पछिल्लो समय नेपालमा व्यक्तिको स्वामित्वमा रहेको १० लाख ३० हजार हेक्टर क्षेत्रफल जमिन बाँझो भएको तथ्यांक रहेको बताए । पहिला गाईबाख्रा चराउँदै आएको वन क्षेत्रमा अहिले झाडी बनेर बाँदर र वन्यजन्तुको बासस्थान हुनुमा जटिल समस्या उत्पन्न भएको उनले बताए ।

१० लाख हेक्टर जमिन बाँझो छ : कृषिमन्त्री भुसाल

सन्धिखर्कमा पत्रकार महासंघले आयोजना गरेको पत्रकार भेटघाट कार्यक्रममा एकीकृत समाजवादीका केन्द्रीय उपाध्यक्ष समेत रहेका भुसालले बाँझो रहेको एकतिहाइ जमिनलाई चक्लाबन्दी गरेर यान्त्रीकरण र औद्योगीकीकरण गरेर पढेलेखेका युवालाई कृषि उद्यममा जोड्ने र उत्पादन वृद्धि गर्ने नीति अनुसार सरकारले आउँदो बजेटमा सम्बोधन गर्ने बताए । भनेजति राजश्व उठ्न नसकेका कारण बजेटको आकार घटे पनि कृषि क्षेत्रमा बजेट धेरै नघट्ने उनले बताए ।

‘वन क्षेत्रमा पनि सघन कृषि वनको रुपमा उपयोग गरेर बाँदर र वन्यजन्तुले नोक्सान नगर्ने खेती गर्ने योजना छ,’ उनले भने, ‘विदेशिने युवालाई यहीँ रोक्ने हो । हाम्रो रैथाने बालीलाई संरक्षण गर्दै उन्नत बिउ बनाउन कृषि अनुसन्धान केन्द्रले अनुसन्धान गरिरहेको छ ।’

अमला मात्रै नेपालमा वर्षमा २ अर्बको भित्रिने तथ्यांक रहेको बताउँदै उनले पाखो खरबारीमा अमला खेती व्यापक गर्न युवालाई आग्रह गरे । ‘अब आफूलाई उत्पादनमा आफैं आत्मनिर्भर बन्नुपर्छ,’ उनले भने, ‘सामूहिक खेती प्रणाली अपनाएर उत्पादन वृद्धि गर्न सरकारले लागि परेको छ ।’ अर्को चुनावसम्म टिक्ने भएकाले वर्तमान सरकारले नै मुलुकलाई आर्थिक समृद्धिमा परिवर्तन गर्ने दाबी उनले गरे ।

प्रकाशित : जेष्ठ ७, २०८० ११:०५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?