भौतिक संरचनातर्फ १३ वटा पुलमध्ये १० वटा पुल निर्माण सम्पन्न भई सवारी साधन सञ्चालनमा आइसकेका छन्। बाँकी ३ मध्ये दुईवटा पुलको स्ल्याब ढलानको काम भइरहेको छ भने अदालतमा मुद्दा परेर रोकिएको एउटा पुलको फैसला आयोजनाको पक्षमा आइसकेकाले त्यसको काम पनि तत्कालै सुरु गर्ने तयारी रहेको आयोजना प्रमुख ओझाले बताए।

यता सोप्याङखोला र खहरेखोला पुल, सडक सुरक्षा, तथा पर्खाल लगाउने कामहरू पनि समानान्तर रूपमा अगाडि बढिरहेका छन्। मलेखुदेखि मुग्लिङ खण्डमा पनि धमाधम काम भैरहेको छ । आयोजनाले बर्खाको बेला सडकमाथिबाट ढुङ्गा खसेर सवारी साधनमा लागेर दुर्घटना नहोस् भनी जोखिम कम गर्न त्यस्ता ठाउमा ढुङ्गा तथा माटो हटाउने काम पनि गरीरहेको छ ।  

यो सडक खण्ड पूर्ण रूपमा संञ्चालनमा आएपछि काठमाडौँ भित्रिने र बाहिरिने सवारी साधनको यात्रा निकै सुरक्षित र सहज हुने अपेक्षा गरिएको छ।