दोलखा — दोलखामा बर्षासहित उच्च भेगमा हिमपातपछि चिसो बढेको छ । शनिबार बिहानैदेखि बाक्लो हुस्सु लागेकाले जनजीवन प्रभावित बनेको छ । 

दोलखाको मुख्य पर्यटकीय गन्तव्य  कालिञ्चोकमा हिमपात भएपछि आन्तरिक पर्यटकको चहलपहल बढेको छ । यस्तै  शैलुङमा पनि हिमपात भएकाले त्यस क्षेत्रमा पनि पर्यटकको चहलपहल बढेपछि होटल व्यवसायी उत्साहित बनेकाछन्। 

सिजन सुरू भएसँगै पर्यटकीय गाउँ  बेदिङ र नामा बाक्लो हिमपातपछि त्यस क्षेत्रको जनजीवन प्रभावित बनेको छ । हिमपात र बर्षाका कारण माथिल्लो भेगमा मुख्य नगदेवाली आलु रोपेका किसान चिस्यान पुग्ने भएकाले हर्षित भएकाछन् ।