गएरातिको हावाहरीले प्रसारण एन्टेनासहितको टावरमा क्षति पुगेको हो ।
बागमती — हावाहुरीका कारण टावर भाँचिएपछि हेटौँडा उपमहानगरपालिका–४ कमलडाँडास्थित हेटौँडा एफएम ९९.६ मेगाहर्जको प्रसारण बन्द भएको छ ।
गएराति चलेको तीव्र गतिको हावाहुरीले एफएमको १२० मिटर अग्लो टावर बीचभागमा भाँचिएपछि एफएमको प्रसारण बन्द भएको एफएमका अध्यक्ष उज्जवल चौलागाईले बताए । प्रसारण एन्टेनासहितको सो टावर भाँचिएर करिब १५ लाख मूल्य बराबरको क्षति भएको उनको भनाइ छ ।
भाँचिएको टावर मर्मत गरेर पुनः रेडियो सञ्चालनमा ल्याइने तयारी भइरहेको छ ।
