मनहरी गाउँपालिका–७ मनकामना सामुदायिक वनको रुपाचुरी–मनहरी सडक खण्डबाट गस्तीमा रहेको प्रहरी टोलीले ३२ वर्षीय देवचन्द्र घलानलाई लागू औषधसिहत नियन्त्रणमा लिएको हाे ।
हेटौंडा — मकवानपुर प्रहरीले साढे ३ किलो लागू औषध अफिमसहित मनहरी गाउँपालिका–६ रुपाचुरीका ३२ वर्षीय देवचन्द्र घलानलाई पक्राउ गरेको छ ।
मनहरी गाउँपालिका–७ मनकामना सामुदायिक वनको रुपाचुरी–मनहरी सडक खण्डबाट गस्तीमा रहेको प्रहरी टोलीले घलानलाई लागू औषधसिहत नियन्त्रणमा लिएको हाे । खानतलासी गर्दा उनकाे साथमा अफिम फेला परेको हो । उनले बोकेको झोलामा ३ किलो ४७८ ग्राम अफिम फेला परेको जिल्ला प्रहरी कार्यालय मकवानपुरले जनाएको छ ।
तीनवटा प्लाष्टिकको पोकामा अफिम प्याक गरेर राखिए फेला परेको प्रहरीको भनाइ छ । घलानलाई मकवानपुर जिल्ला अदालत हेटौंडाबाट लागू औषधसम्बन्धी कसुरमा म्याद अनुमति लिइ थप अनुसन्धान भइरहेको प्रहरीले जनाएको छ ।
