सिन्धुपाल्चोक — सिन्धुपाल्चोकका दुई प्रतिनिधिसभा क्षेत्रमा जारी मतगणनामा क्षेत्र–१ मा राष्ट्रिय स्वतन्त्र पार्टी (रास्वपा) र क्षेत्र–२ मा नेपाली कांग्रेसले अग्रता कायम गरेका छन्।

जिल्ला निर्वाचन कार्यालयका अनुसार क्षेत्र–२ मा हेलम्बु गाउँपालिका–७ र मेलम्ची नगरपालिकाका केही वडाको गरी दुई हजार ८ सय ७८  मत गणना हुँदा कांग्रेसका वंशलाल तामाङ ९ सय ६७ मतसहित अग्रस्थानमा छन्। उनलाई नेकपाका युवराज दुलाल ‘शरद’ ले ५ सय ५० मतसहित पछ्याइरहेका छन्।

यस्तै एमालेका शेरबहादुर तामाङ ३ सय ३३ र रास्वपाका झलककुमार श्रेष्ठ २ सय ७९ मतसहित क्रमशः तेस्रो र चौथो स्थानमा छन्। हाल यस क्षेत्रको इन्द्रावती गाउँपालिका–४ र पाँचपोखरी थाङपाल गाउँपालिकाका वडाहरूको मतगणना जारी छ।

त्यसैगरी प्रतिनिधिसभा क्षेत्र–१ मा भोटेकोशी गाउँपालिकाका पाँचै वडाको मतगणना सम्पन्न हुँदा रास्वपाका भरत पराजुली २ हजार ८ सय ७५ मतसहित अग्रस्थानमा छन्। उनलाई नेकपाका माधव सापकोटाले १ हजार १ सय ९४ मतसहित पछ्याइरहेका छन्। कांग्रेसका जंगबहादुर लामा ७ सय २१ र एमालेका सरेश नेपाल ७ सय मतसहित क्रमशः तेस्रो र चौथो स्थानमा छन्।