सबै केन्द्रमा मतदान शान्तिपूर्ण रूपमा भइरहेको छ ।
चितवन — मतदान सुरू भएको तीन घण्टा पूरा हुँदा चितवनमा २० प्रतिशत हाराहारी मत खसेको छ ।
चितवन जिल्ला निर्वाचन कार्यालयका जिल्ला निर्वाचन अधिकारी भीमसेन कार्कीले बिहान १० बजेसम्म २० प्रतिशत मत खसेको जानकारी दिए । अपराह्न ५ बजेसम्म मतदानको समय रहेको छ ।
३ निर्वाचन क्षेत्र रहेको चितवनमा कुल मतदाता ४ लाख ४२ हजार ८२ छन् । जिल्लाभर १६२ मतदान स्थलमा ४९२ मतदान केन्द्र छन् । सबै केन्द्रमा मतदान शान्तिपूर्ण रूपमा भइरहेको कार्कीले बताए ।
