दुर्घटनाको अनुसन्धानका लागि खटिएको प्रहरी टोलीमाथि ढुंगामुढा गरी अनुसन्धानमा अवरोधका साथै टिप्परमा आगजनी गरेकाे आरोपमा १३ जनालाई प्रहरीले पक्राउ गरेको हो ।
काभ्रे — गत बुधबार बिहान बनेपास्थित चाँदनी चोकमा प्रहरीमाथि ढुंगामुढा र टिप्परमा आगजनी गरेको आरोपमा १३ जनालाई पक्राउ गरेको छ ।
बुधबार बिहान बनेपामा ८ बजेतिर साँगा तर्फ गइरहेको बाप्र०१–००४ क ३४२३ नम्बरको टिप्पर र सोही दिशा तर्फ गइरहेको बाप्र०२–०६३प ९१८९ नम्बरको स्कुटर दुर्घटना भएको थियो ।
दुर्घटनामा घाइते भएका स्कुटर चालक ३० वर्षीय ओमन प्रधानको शीर मेमोरियल अस्पताल बनेपामा उपचारका क्रममा मृत्यु भएको थियो । दुर्घटनाको अनुसन्धानका लागि खटिएको प्रहरी टोलीमाथि ढुंगामुढा गरी अनुसन्धानमा अवरोधका साथै टिप्परमा आगजनी गरेकाे आरोपमा १३ जनालाई प्रहरीले पक्राउ गरेको हो ।
पक्राउ परेकाहरु काभ्रेको विभिन्न ठाउँ, सिन्धुपाल्चो र बारा जिल्ला घरभएका छन् । जिल्ला प्रहरी कार्यालय काभ्रेका सूचना अधिकारी डीएसपी रविन विष्टका अनुसार उनीहरुलाई विभिन्न स्थानबाट नियन्त्रणमा लिएर जिल्ला अदालतबाट दिन ७ को म्याद अनुमति लिएर अनुसन्धान भइरहेको छ ।
