हेटौंडा — प्रतिनिधिसभाको उम्मेदवार हुनका लागि कांग्रेसका प्रदेशसभा सदस्यबाट राजीनामा दिएका कुन्दनराज काफ्लेले प्रतिनिधिसभाको उम्मेदवार हुन टिकट पाएनन्।

कांग्रेसबाट टिकट लिएर दोलखाबाट प्रतिनिधिसभाको उम्मेदवार हुनका लागि उनले प्रदेशसभा सदस्य पदबाट राजीनामा दिएका थिए। बागमती प्रदेशको आर्थिक मामिला तथा योजना मन्त्रीसमेत भइसकेका काफ्लेले सोमबार हेटौडास्थित बागमती प्रदेशसभा सचिवालयमा उपस्थित भएर उपसभामुख अप्सरा चापागाईँ समक्ष राजीनामा बुझाएका थिए।

प्रतिनिधिसभाको उम्मेदवार बन्नका लागि प्रदेशसभा सदस्यबाट राजीनामा दिए पनि उनले टिकट पाउन सकेनन्। कांग्रेसबाट टिकट नपाएपछि मंगलबार बिहान उनले भने, ‘जनताले भोट दिन्छु भनेका थिए, तर कांग्रेसले टिकट दिएन, यहाँ जनताको रुचिअनुसार निर्णय हुँदैन। दोलखाका जनताले मेरो माग गरेपछि बाध्य भएर राजीनामा दिएको हुँ ।