भदौ २४ गते पूर्वमुख्यमन्त्रीड डाेरमणि पौडेलको घरमा आगजनी गरेको आरोपमा प्रहरीले उनीहरुलाई कात्तिक २८ गते पक्राउ गरेको थियो ।
हेटौंडा — जेन-जी आन्दोलनको क्रममा बागमती प्रदेशका पूर्वमुख्यमन्त्री डोरमणि पौडेलको हेटौंडा उपमहानगरपालिका-११ नवलपुरस्थित घरमा आगजनी आरोपमा दुई युवकलाई जिल्ला अदालत मकवानपुरले पुर्पक्षका लागि थुनामा पठाएको छ ।
जिल्ला अदालत मकवानपुरको न्यायाधीश निर्मला शर्मा सुवेदीको आइतबारको ईजलाशले पूर्वमुख्यमन्त्री पौडेलको घरमा तोडफोड तथा आगजनी गरेको आरोपमा हेटौंडा-११ का ३७ वर्षीय सुरेन्द्र राना मगर र सोही ठाउँ बस्ने ३६ वर्षीय सुजन अधिकारीलाई पुर्पक्षका लागि थुनामा राख्ने आदेश दिएको हो ।
अदालतको आदेश बमोजिम दुवै जनालाई क्षेत्रीय कारागार भीमफेदी पठाएको छ । रानामगर र अधिकारीलाई भदौ २४ गते पूर्वमुख्यमन्त्री पौडेलको घरमा तोडफोड र आगजनी गरेको आरोपमा प्रहरीले कात्तिक २८ गते पक्राउ गरेको थियो ।
