१५ वटा औषधि पसलले लागू तथा मनोद्वीपक आैषधिको दुरूस्त रेकर्ड नराखेको पाइएको छ ।
चितवन — आैषधि व्यवस्था विभागको वीरगन्ज शाखा कार्यालयले बिहीबार र शुक्रबार चितवनका २० आैषधि पसलमा निरीक्षण अनुमगन गरेको छ ।
अस्पतालका ८ र अन्य १२ वटा आैषधि पसलमा अनुगमन गर्दा एउटामा अनधिकृत व्यक्तिले आैषधि बिक्री वितरण गरेको हुँदा हाललाई उक्त पसल बन्द गरेको विभागको वीरगन्ज शाखा कार्यालयका प्रमुख शम्भु शाहले बताए । प्राय: आैषधि पसलहरूमा केही न केही कमजोरी फेला परेका छन् ।
विभागका निरीक्षक रवि चौधरी थारूले १५ वटा औषधि पसलले लागू तथा मनोद्वीपक आैषधिको दुरूस्त रेकर्ड नराखेको बताए । त्यसै गरी अस्पताल फार्मेसीले मात्र बेच्न पााउने ६ प्रकारका एन्टिबायोटिक खस्पताल बाहिरका अन्य सातवटा आैषधि पसलले पनि राखेको चौधरीले जानकारी दिए । दुईवटा आैषधि पसलमा फार्मेसिष्ट अनुपस्थित थिए ।
'प्रायजसो आैषधि पसलमा आैषधिजन्य खाद्य पूरक (फुड सब्लिमेन्ट्री) रहेको देखियो । यी खाद्य आैषधि व्यवस्था विभागमा होइन खाद्य विभागमा दर्ता हुन्छन् । त्यसैले फार्मेसीमा औषधि व्यवस्था विभागमा दर्ता भएका आैषधि मात्र रहनुपर्छ,' निरीक्षक चौधरीले भने ।
