प्रहरी टोलीले राक्सिराङ गाउँपालिका अन्तर्गतका चिसापानी, बेल्टार, टेम्टा, गोरेटार, देबुटार, कैलाश गाउँपालिका अन्तर्गतका सातकन्या, खैरेनी, जोइटी र भीमफेदी गाउँपालिका अन्तर्गतका भदौरे र ज्यार्बु लगायतका जमिनमा लगाइएको गाँजाका बोट नष्ट गरेका थिए । प्रहरीका अनुसार गाँजा फडानीमा स्थानीय तह, सामुदायिक प्रतिनिधि र सम्बन्धित निकायहरूको पनि सहयोग रहेको थियो ।

मकवानपुरमा गत आर्थिक वर्षमा प्रहरीले राक्सिराङ र कैलाश गाउँपालिकाको १ सय २० बिघा ४ कठ्ठा जमिनमा लगाइएको गाँजाका बोट फडानी गरेर नष्ट गरेको थियो । त्यसै वर्ष ती दुई गाउँपालिकाको ३९ बिघा १४ कठ्ठा जमिनमा लगाइएको अफिम खेती पनि प्रहरीले नष्ट गरेको थियो । मकवानपुरको राक्सिराङ र कैलाश गाउँपालिकाका अधिकांश भूभागमा गाँजा र अफिम खेती गर्ने गरिएको पाइन्छ ।