यात्रुहरूको जबर्जस्ती झोला तथा हात तानेर जबर्जस्ती ढंगले सवारी साधनमा चढाउन खोज्ने चार युवकलाई पक्राउ गरेको हो ।
हेटौंडा — हेटौंडा उपमहानगरपालिका-१० बसपार्कमा यात्रुहरूलाई दुःख दिएको आरोपमा बिहीबार प्रहरीले ४ युवकलाई पक्राउ गरेको छ ।यात्रुहरूको जबर्जस्ती झोला तथा हात तानेर जबर्जस्ती ढंगले सवारी साधनमा चढाउन खोज्ने चार युवकलाई पक्राउ गरेको हो ।
पक्राउ पर्नेमा बारा कोल्हवी नगरपालिका-२ का २३ वर्षीय रोहनकुमार भुजेल, हेटौंडा उपमहानगरपालिका-१० का १९ वर्षीय सुरज कुमार, हेटौंडा उपमहानगरपालिका-१ का ३० वर्षीय सुशान्त तामाङ र हेटौंडा उपमहानगरपालिका-११ का वर्ष ३५ को जीवन थोकर रहेका छन् ।
बसपार्कमा यात्रुहरूलाई जबर्जस्ती गरी सवारी साधनमा चढाउने र हैरानी दिने कार्य गरेकाले उनीहरूलाई पक्राउ गरी अभद्र व्यवहार गरेको कसुरमा मुद्दा चलाएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक पुष्कर बोगटीले बताए ।
