बिग्रेका कारण राजमार्ग छेउमा राेकिएको भारतीय नम्बर प्लेटको ग्यास बुलेटमा मोटरसाइकल ठोक्किएको थियो ।
चितवन — सडकमा रोकिराखेको ग्यास बुलेटमा ठोक्किएर आइतबार राति चितवन खैरहनीमा मोटरसाइकल चालकको ज्यान गएको छ ।
राति साढे १० बजे पूर्व पश्चिम महेन्द्र राजमार्गको खैरहनी नगरपालिका-२ लदरी पुलमा भएको घटनामा खैरहनी-२ कै ३५ वर्षीय मनिश बोगटीको मृत्यु भएको चितवन प्रहरी प्रवक्ता डीएसपी रविन्द्र खनालले जानकारी दिए ।
बिग्रेका कारण राजमार्ग छेउमा राेकिएको भारतीय नम्बर प्लेट एचआर ३८ एएफ ६१२६ नम्बरको ग्यास बुलेटसँग बोगटीले चलाएको बागमती प्रदेश ०३-००२ प ३२३० नम्बरको मोटरसाइकल ठोक्किएको डिएसपी खनालको भनाइ छ । दुर्घटनाका कारण टाउकोमा चोट लागेर गम्भीर घाइते भएका बोगटीको उपचारका क्रममा पुरानो मेडिकल कलेजको भरतपुरमा रहेको शिक्षण अस्पतालमा राति ११ बजेतिर निधन भएको हो । प्रहरीले ग्यास बुलेटका चालक भारतीय नागरिक बिहार सिवानका ५९ वर्षका दशरथ प्रसादलाई नियन्त्रणमा लिएको छ ।
