ठक्करपछि तत्काल बाटो दुई तर्फी नै अवरूद्ध भएकोमा नौ बजेपछि एकतर्फी सञ्चालनमा आएको छ ।
चितवन — नारायणगढ-मुग्लिन सडकमा एकै ठाउँ सात गाडी एक आपसमा ठोक्किएका छन्। दुर्घटनामा परी २१ जना घाइते भएको चितवन प्रहरीले जनाएको छ।
नारायणगढ मुग्लिङ सडकको भरतपुर महानगरपालिका-२९ घाइघाटमा शनिबार बिहान साढे सात बजे मुग्लिङबाट नारायणगढतर्फ आउँदै गरेको ना ८ ख ६६२९ नं. को ट्रक र विपरीत तर्फबाट जाँदै गरेको बा ४ ख ७४२० नं. को बस, बसको पछाडि ना ७ ख ९६०७ नं. को टेलर, पछाडि बा.प्र. ०६-००१ ग ०४८४ नं. को ईभी माईक्रो, पछाडि ग २ ख १६२६ नं. को बस, पछाडि ना ३ च ३२५६ नं. को बलेरो, पछाडि बी एबी ८४७० नं. को कार ठक्किएका थिए।
ठक्करपछि तत्काल बाटो दुई तर्फी नै अवरूद्ध थियो । नौ बजेपछि एकतर्फी सञ्चालनमा आएको छ । घाइतेहरु सबैको उद्दार भइसकेको र हालसम्म १३ जनाको नेशनल सिटी अस्पताल, ४ जनाको नयाँ मेडिकल कलेज भरतपुर र ४ जनाको जनता केयर अस्पतालमा उपचार भइरहेको डीएसपी रविन्द्र खनालले बताए ।
