यस अवधिमा लाखौं मूल्यका फलफूल सड्दा व्यवसायीले घाटा बेहोरेका छन् । फलफूल र लसुन कन्टेनरमै कुहिन थालेपछि भरिया लगाएर बोकाइएको थियो । ‘अब त्यहि समस्या पुन दोहोरिने भएको छ,कहिले सहज बन्ला तातोपानी नाका ?,’ व्यवसायी शारदाप्रसाद पराजुलीले प्रश्न गरे ।

बाढीपहिरोका कारण गत वर्ष र यस वर्ष फलफूल आयातकर्ताले उठ्नै नसक्नेगरी नोक्सानी बेहोर्नुपरेको उनले दुखेसो गरे । इको खण्डका कारण नाका बन्द हुने खुल्ने भइरहेको छैटौं पटक हो ।  

ईलाका प्रहरी कोदारीका प्रहरी निरीक्षक जगतबहादुर राईले यही खण्डका कारण सिंगो नाकामा समस्या भएको बताए ।  ‘(इको खण्ड ) कोदारी क्षेत्रमा बगिरहने पहिरो र साँघुरो भूगोलका कारण भारी बोक्ने भरियालाई हिँड्नसमेत समस्या छ ,’ उनले भने । उता 

इको भास्सिने क्रम नरोकिँदा यसमाथिका दर्जनभन्दा बढी गाउँ जोखिममा छन् । ठूला मेसिन प्रयोग गरेर सडक बनाउँदा गाउँ झन जोखिममा पर्ने भन्दै स्थानीय त्रसित बनेका छन् । भोटेकोसी गाउँपालिका २ का वडासदस्य चेङा शेर्पाका अनुसार यहाँको चौकि डाडा, गुम्बाडाँडा, मिलन बजार, लालबिर चोक, कोदारी गुम्बा क्षेत्र, कुदुङ, ताक्पासा, तार्तुङ, क्युसा, छेर्माङ, डमार, तामाङ गुम्बा गाउँक्षेत्रका गरी ७० भन्दाबढी घर जोखिममा परेका छन् ।