उपमहानगरपालिकाले उक्त कोषमा ५ लाख रुपैयाँ उपलब्ध गराउने प्रतिबद्धता जनाएको छ।
हेटौँडा — नेपाल पत्रकार महासंघ मकवानपुर शाखाले तीजको अवसरमा महिला पत्रकार प्रजनन् स्वास्थ्य तथा सुरक्षित सुत्केरी प्रवर्द्धन कोष स्थापना गरेको छ ।
पत्रकार महासंघ मकवानपुर शाखाले बिहीबार आयोजित महिला पत्रकार प्रजनन् स्वास्थ्य तथा सुरक्षित सुत्केरी प्रवर्द्धन कोष शुभारम्भ कार्यक्रममा हेटौँडा उपमहानगरपालिकाका मेयर मीनाकुमारी लामा र उपमेयर राजेश बानियाँले उपमहानगरपालिकाले उक्त कोषमा ५ लाख रुपैयाँ उपलब्ध गराउने प्रतिबद्धता व्यक्त गरे ।
मेयर लामाले महिला पत्रकारहरुलाई पत्रकारितामा टिकाई राख्न यो कोषले महत्वपूर्ण भुमिका खेल्ने बताइन्। । उपमेयर बानियाँले महिला पत्रकारहरुलाई दक्ष र सक्षम बनाउन उपमहानगरपालिकाले सहयोग गर्दै आएको जानकारी गराए ।
पत्रकार महासंघको शाखाका अध्यक्ष बालकृष्ण अधिकारीले कोषले महिला पत्रकारहरूको सुविधाका लागि कोष लाभदायी हुने अपेक्षा गरिएको बताए। मकवानपुरमा ३५ जना महिला पत्रकारहरू रहेका छन्।
