ढुंगा झरिरहेकाले राजमार्गमा दुईतर्फी यातायात अवरुद्ध भएको थियो, तर अब एकतर्फी सुचारु गरिएको छ। ढुंगा रोकिएपछि पूर्ण रूपमा खुल्नेछ।
काभ्रे — सुख्खा पहिरोसहित ढुंगा झर्दा अरनिको राजमार्ग अवरुद्ध भएको छ। बिहीबार बिहान ९: ४० बजेको समयमा अरनिको राजमार्गअर्न्तगत धुलिखेल नगरपालिका-८ स्थित तिरतिरे धारामा सुख्खा पहिरो सहित ढुंगा झर्दा अरनिको राजमार्ग अवरुद्ध भएको जिल्ला ट्राफिक प्रहरी कार्यालयका प्रमुख प्रहरी निरीक्षक सुनिल धाँजुले जानकारी दिए ।
उनकाअनुसार, माथिबाट ढुंगाा झरि नै रहेको छ । ढुंगा झरिरहेकाले राजमार्ग अवरुद्ध छ ।
‘सुरुमा दुईतर्फी नै राजमार्ग अवरुद्ध भएको थियो,’ उनले भने, ‘अहिलेको लागि भने एकतर्फी यातायात सुचारु गरिएको छ।’ उनका अनुसार, ढुंगा झर्न रोकिएपछि राजमार्गमा दुईतर्फी नै यातायात सुचारु गरिनेछ । सडकको अवस्था बुझेर वैकल्पिक यात्रा गर्न ट्राफिक प्रहरीले अनुरोध गरेको छ ।
