हेटौंडा — हावाहुरीसँगै परेको चट्याङले बुधबार बेलुका एक युवकको मृत्यु भएको छ ।
मकवानपुरको कैलाश गाउँपालिका–९, किटभञ्ज्याङमा २२ वर्षीय कान्छा गोलेको मृत्यु भएको हो । घरको आँगनमा बसिरहेको अवस्थामा चट्याङ परेर घटनास्थलमै मृत्यु भएको जिल्ला प्रहरी कायालय मकवानपुरले जनाएको छ ।
दुर्गम क्षेत्रमा घटना भएका कारण थप कुरा बुझ्न प्रहरी टोली आज बिहान त्यसतर्फ लागेको छ ।
चट्याङ परेर मकवानपुरमा चालु आर्थक वर्षको ११ महिनामा चार जनाको मृत्यु हुनुको साथै नौ जना घाइते भएका छन ।
