काठमाडौं — काठमाडौं महानगरपालिकाले सोमबारदेखि पठनपाठन सञ्चालन गर्न विद्यालयहरुलाई सर्कुलर गरेको छ ।
काठमाडौं महानगरपालिकाले सोमबारदेखि पठनपाठन सञ्चालन गर्न विद्यालयहरुलाई सर्कुलर गरेको छ ।
शनिबार सूचना जारी गर्दै २९ गते आइतबार शिक्षक र कर्मचारीलाई मात्र विद्यालयमा उपस्थित हुन भनिएको छ । ३० गते सोमबारदेखि विद्यार्थीलाई विद्यालय बोलाएर मनोसामाजिक परामर्शसहित अध्यापन थाल्न आग्रह गरिएको छ ।
विद्यालय आउजाउ गर्न समस्या भए अनलाइन कक्षाको व्यवस्था गर्न शिक्षा विभागका निमित्त विभागीय प्रमुख केशव ज्ञवालीले आग्रह गरेका छन् । आइतबार भने विद्यालय सरसफाइ, अभिभावक, विद्यार्थीसँग सम्पर्कलगायत प्रशासनिक काम मात्र गर्न भनिएको छ ।
