चितवन — भ्रष्टाचारको विरोधमा चितवनका विभिन्न विद्यालयका विद्यार्थीले कोरेका कार्टुन चित्रहरूको प्रतियोगितात्मक प्रदर्शनी शुक्रबार भरतपुर चौबीसकोठीमा सम्पन्न भएको छ । 

१६ विद्यालयका विद्यार्थीले कोरेका ७० प्रतियोगिसहित ८० चित्रहरू प्रदर्शनीमा सामेल थिए । जसमध्ये शक्तिखोरको चतुर्मुखी माविका विद्यार्थी स्मरण सारू मगरले तयार गरेको कार्टुन चित्र पहिलो भएको छ ।

भ्रष्टाचारविरूद्ध जागरण अभियान नामक संस्थाले बेटर चितवन र जेन-जी चितवनसँग सहकार्य गरेर प्रतियोगितात्मक प्रदर्शनी आयोजना गरेको हो । प्रतियोगितामा भरतपुरको हिमालयन आधारभूत विद्यालयका निश्चल खड्का दोस्रो र  राप्ती-८ बजरहट्ठाको  बहिरा आवासीय माविकि सुप्रिया लामिछाने तेस्रो भइन् । प्रतियोगितामा विजयी विद्यार्थीले क्रमश: पाँच हजार रूपैयाँ, तीन हजार रूपैयाँ र दुई हजार रूपैयाँ नगद पुरस्कार पाए ।