'फ्रेन्ड्स' अभिनेता म्याथ्यु पेरीको निधन

पेरीले सन् १९९४ देखि २००४ सम्म प्रदर्शनमा आएको चर्चित टिभी सिरिज 'फ्रेन्ड्स'मा चन्डलर बिंगको भूमिकामा अभिनय गरेका थिए । कमेडी विधाको यो सिरिजको अन्तिम एपिसोडलाई ५२.५ मिलियनले हेरेका थिए । यो त्यतिबेला सबेभन्दा धेरै हेरिएको संख्या थियो ।

'फ्रेन्ड्स' निर्माण कम्पनी वार्नर ब्रोज टिभीले अभिनेता पेरीको सम्झनामा लेखेका छन्,'हाम्रा प्रिय मित्र म्याथ्युको निधनको खबरले हामी मर्माहत छौं ।' पेरीले लामो समय पेनकिलर्स र रक्सीको लतसँग जुध्नुपरेको थियो । धेरै पटक उनी पुन:स्थापना केन्द्रमा पनि बसेका थिए ।