चिनियाँ राष्ट्रपति भ्रमण

बीआरआई निर्माण गर्न नेपाल महत्वपूर्ण सहयात्री : चीन

चीनले दक्षिण एसियामा बेल्ट एन्ड रोड इनिसियटिभ (बीआरआई) लाई संयुक्त रूपमा निर्माण गर्न नेपाल महत्वपूर्ण सहयात्री रहेको बताएको छ ।

नेपाल-चीन अब रणनीतिक साझेदार

चिनियाँ राष्ट्रपति सी चिनफिङको दुईदिने राजकीय भ्रमणले राजनीतिक र कूटनीतिक अर्थमा महत्त्वपूर्ण संकेत छाडेको छ । दुई देशबीच विकास र समृद्धिमा साझा रणनीति तय गर्नु उपयुक्त हुने धारणा राख्दै ‘बाचा गरेका प्रतिबद्धताहरू पूरा गर्नैपर्ने’ अडान दोहोर्‍याएर सीले राजनीतिक वृत्तमा पनि गतिलो सन्देश दिएका छन् । 

त्रिविमा कन्फ्युसियस इन्स्टिच्युट स्थापना गरिने

नेपाल र चीनबीच त्रिभुवन विश्वविद्यालय (त्रिवि) मा कन्फ्युसियस इन्स्टिच्युट स्थापना गर्ने समझदारी भएको छ । चिनियाँ राष्ट्रपति सीको भ्रमणक्रममा आइतबार त्रिभुवन विश्वविद्यालय र चीनको कन्फ्युसियस हेडक्वार्टरबीच त्रिविमा कन्फ्युसियस इन्स्टिच्युट स्थापना गर्ने समझदारीपत्रमा हस्ताक्षर भएको हो ।

चिनियाँ राष्ट्रपति सीको भ्रमणमा विरोध गर्ने २ तिब्बती शरणार्थीसहित ३२ जना पक्राउ 

चिनियाँ राष्ट्रपति सी चिनफिङको भ्रमणलाई लक्षित गरेर स्वतन्त्र तिब्बतको पक्षमा प्रचार गर्ने ३२ जना पक्राउ परेका छन् । केही दिनअघि नै उनीहरु पक्राउ परेपनि सीको भ्रमणमा नकारात्मक असर पुग्ने भएर यो विषय प्रहरीले गुपचुप राखेको थियो । 

चिनियाँ राष्ट्रपतिको गृहनगरसँग बुटवलको भगिनी सम्बन्ध स्थापना

बुटवल र चीनको सियान सहरबीच भगिनी सम्बन्ध स्थापना भएको छ । सियान सिटी चिनियाँ राष्ट्रपति सी चिनफिङको गृहनगर हो । 

२ खर्ब बढी लागतमा दुई आयोजना नेपाल र चीनका सरकारी कम्पनीले निर्माण गर्ने

सरकारी स्वामित्वको हाइड्रो इलेक्ट्रिसिटी इन्भेस्टमेन्ट एन्ड डेभलपमेन्ट कम्पनी (एचआइडीसीएल) र चीनको पावर चाइनाले संयुक्त रुपमा दुई जलाशयुक्त आयोजना निर्माण गर्ने भएका छन् । ती आयोजनाको कूल लागत दुई खर्ब बढी रहने छ । 

नेपाल र चीनबीचको सम्बन्धमा समस्या छैन: राष्ट्रपति सी

चिनियाँ राष्ट्रपति सी चिफिङले नेपाल र चीनबीचको सम्बन्धमा कुनै समस्या नरहेको बताएका छन् । उनले नेपाल र चीनबीच मित्रता मात्रै रहेको बताए ।

नेपालको भूपरिवेष्ठित देशबाट भूजडित देश बन्ने सपना साकार पार्न मद्दत गर्नेछौँ : चिनियाँ राष्ट्रपति सी

चिनियाँ राष्ट्रपति सी चिनफिङले नेपालको भूपरिवेष्ठित देशबाट भूजडित देश बन्ने सपना साकार पार्न मद्दत गर्ने बताएका छन् ।

चीनले नेपाल भ्रमण वर्ष सफल पार्न सहयोग गर्छ : राष्ट्रपति सी

चीनले नेपाल भ्रमण वर्ष २०२०का लागि सहयोग गर्ने भएको छ । विश्वको सबैभन्दा धेरै जनसंख्या भएको मुलुक चीनले आफ्ना नागरिकहरुलाई नेपाल भ्रमण गर्न अभिप्रेरित गर्ने बताएको हो ।

केरुङदेखि काठमाडौं हुँदै लुम्बिनसम्मको रेलमार्ग निर्माणमा चिनियाँ सहयोगको अपेक्षा छ : राष्ट्रपति भण्डारी

राष्ट्रपति विद्यादेवी भण्डारीले नेपालले केरुङदेखि काठमाडौं हुँदै लुम्बिनसम्मको रेलमार्ग निर्माणमा चिनियाँ सहयोगको अपेक्षा गरेको बताएकी छन् । शनिबार साँझ सोल्टी होटलमा आयोजित रात्रि भोज कार्यक्रममा उनले सीमा वारपार कनेक्टिभिटीका लागि पूर्वाधारमा सुधार गर्नुपर्ने कुराहरुमा जोड दिँदै आएको बताइन् । 

चीन र नेपालबीचको सम्बन्ध सागर जस्तै गहिरो र सगरमाथा जस्तो उचो छ : राष्ट्रपति भण्डारी

राष्ट्रपति विद्यादेवी भण्डारीले चीन र नेपालबीचको सम्बन्ध सागर जस्तै गहिरो र सगरमाथा जस्तो उचो रहेको बताएकी छन् । दुई दिने नेपाल भ्रमणमा आएका चिनियाँ राष्ट्रपति सी चिनफिङको स्वागतका लागि शनिबार साँझ सोल्टी होटलमा राष्ट्रपति भण्डारीद्वारा आयोजित राजकीय रात्रि भोजमा बोल्दै उनले पञ्चशीलमा आधरित चीन र नेपालबीचको सम्बन्धलाई थप उचाइमा लैजाने प्रशस्त सम्भावनाहरु रहेको बताइन् ।

शितल निवासमा चिनियाँ राष्ट्रपति (तस्बिरहरु)

दुई दिने राजकीय नेपाल भ्रमणमा आएका चिनियाँ राष्ट्रपति सी चिनफिङ र उनका समकक्षी विद्यादेवी भण्डारीबीच भेटवार्ता भएको छ । राष्ट्रपति निवास शितल निवासमा उनलाई राष्ट्रपति विद्यादेवी भण्डारीले स्वागत गरेकी थिइन् । दुई राष्ट्रपतिबीच दुई पक्षीय वार्ता भएको थियो ।

सी चिनफिङलाई रात्रि भोजमा क्वाँटी र कुरिलोको रस

दुईदिने राजकीय भ्रमणमा रहेका चीनका राष्ट्रपति सी चिनफिङका लागि राष्ट्रपति विद्यादेवी भण्डारीले रात्रि भोज आयोजना गरेकी छन् । रात्रि भोजमा सीका लागि नेपाली खानाको मेनु तयार पारिएको छ । सीलाई सुरुआती खानाको रुपमा बारा, म:म र लुक्लाको सीमीसँगै भटमास साँधेको राखिएको छ । यस्तै कुरिलो र क्वाँटीको रस तयार पारिएको छ । 

चिनियाँ राष्ट्रपति सीको सवारीपछि बानेश्वरमा बाटो काट्नेको भीड

चिनियाँ राष्ट्रपति सी चिनफिङको सवारीपछि बानेश्वरमा बाटो काट्नेको भीड लाग्यो । दुई दिने राजकीय भ्रमणमा रहेका चिनियाँ राष्ट्रपति सी चिनफिङको सवारीका क्रममा शनिबार साँझ सडकको दायाँबायाँमा सर्वसाधरणलाई हिँड्न रोक लगाइएको थियो । उच्च सुरक्षाबीच सी विमानस्थलबाट सोल्टी होटल गएका थिए । सवारीका क्रममा सडक खाली गराइएको थियो ।

त्रिभुवन विमानस्थलबाट यसरी कारकेडमा गए चिनियाँ राष्ट्रपति सी

नेपालको दुईदिने राजकीय भ्रमणमा रहेका चिनियाँ राष्ट्रपति सी चिनफिङ त्रिभुवन विमानस्थलबाट सोल्टी होटल प्रस्थान गरेका छन् । उनी एयर चाइनाका २ वटा विमानबाट ल्याइएका कारकेड र बुलेटप्रुफ कारको सुरक्षा घेरामा रहँदै सोल्टी गएका हुन्। सी शनिबार अपरान्ह पौने ५ बजे काठमाडौं ओर्लिएका थिए ।

तस्बिरमा हेर्नुहोस् यसरी गरियो विमानस्थलमा चीनका राष्ट्रपति सीलाई स्वागत

राष्ट्रपति विद्यादेवी भण्डारीको मैत्रीपूर्ण निमन्त्रणामा चीनका राष्ट्रपति सी चिनफिङ नेपालको राजकीय भ्रमणमा शनिबार अपराह्न विशेष विमानबाट काठमाडौँमा अवतरण गरेका छन् । नेपालको द्विदिवसीय भ्रमणमा रहेका राष्ट्रपति सीलाई त्रिभुवन अन्तर्राष्ट्रिय विमानस्थलको अतिविशिष्ट कक्षमा राष्ट्रपति विद्यादेवी भण्डारी, उपराष्ट्रपति नन्दबहादुर पुन र प्रधानमन्त्री केपी शर्मा ओलीले हार्दिकतापूर्वक स्वागत अभिवादन गरेका छन् ।

प्रधानमन्त्री ओलीको एयरपोर्टमै सी चिनफिङसँग परिचयात्मक भेट

राष्ट्रपति विद्यादेवी भण्डारीले चिनियाँ राष्ट्रपति सी चिनफिङलाई  प्रधानमन्त्री केपी शर्मा ओली लगायत मन्त्रिपरिषद्का सबै सदस्यलाई परिचय गराएकी छन् । भण्डारी समकक्षी सीलाई स्वागत गर्न विमानस्थलमै पुगेकी थिइन् । यसरी वशिष्ट पाहुना आउँदा भण्डारी स्वागत गर्न दोस्रो पटक गएकी हुन् ।

सीलाई 'गार्ड अफ अनर'

त्रिभुवन विमानस्थलमा राष्ट्रपति विद्यादेवी भण्डारीले स्वागत गरेपछि विमानस्थलको अति विशिष्ट कक्षको गेटमा पञ्चकन्याले स्वागत गरेका गरेका छन् । उनलाई माला दिएर पञ्चकन्याले स्वागत गरेका हुन् ।

राष्ट्रपति भण्डारीले गरिन् चिनियाँ समकक्षी सीलाई स्वागत 

राष्ट्रपति विद्यादेवी भण्डारीले चिनियाँ समकक्षी सी चिनफिङलाई त्रिभुवन विमानस्थलमा स्वागत गरेकी छन् । भारतको चेन्नाइबाट आज दिउँसो करिव १ बजेर ५० मिनेटमा उडेका सी त्रिभुवन विमानस्थल पौने ५ बजे ओर्लिएका थिए ।

२३ वर्षपछि चिनियाँ राष्ट्रपति नेपालमा

नेपालको दुईदिने राजकीय भ्रमणका लागि चिनियाँ राष्ट्रपति सी चिनफिङ नेपाल आएका छन् ।भारतको चेन्नाइमा रहेका राष्ट्रपति सी दिउँसो करिव २ बजे नेपालका लागि उडेका थिए । सी नेपालमा पौने ५ बजे आइपुगेका हुन् ।

सीको स्वागत गर्न यसरी हुँदै छ तयारी

चीनका राष्ट्रपति सी चिनफिङको स्वागतका लागि त्रिभुवन विमानस्थलदेखि उनी सवार हुने मार्गमा विभिन्न झाँकीसहित तयारी गरिएको छ । नेपाल सरकार, सुरक्षा निकाय, काठमाडौं महानगरपालिकासहित विभिन्न निकायले आफ्नो जिम्मेवारीअनुसार तयारीलाई अन्तिम रुप दिएका हुन् ।

सीको सुरक्षामा घेरियो सडक (तस्बिरहरु)

साँझ ५ बजे त्रिभुवन अन्तर्राष्ट्रिय विमानस्थलमा अवतरण गर्न लागेका चिनियाँ राष्ट्रपति सी चिनफिङको सुरक्षार्थ नेपाली सेना,नेपाल प्रहरी र सशस्त्र प्रहरी,राष्ट्रिय अनुसन्धान विभाग र चिनियाँ जनमुक्ति सेनाको फौज तैनाथ छ । केन्द्रीय सुरक्षा समिति, वरिष्ठ रथी शरदकुमार गिरीको नेतृत्वमा विशेष स‌ंयन्त्र, उपत्यका पृतनापति निरञ्जनकुमार श्रेष्ठको नेतृत्वमा विशेष सुरक्षा सेल, सेनाकै समन्वयमा विशेष सुरक्षा दल, काठमाडौंका प्रमुख जिल्ला अधिकारी जनकराज दाहालको नेतृत्वमा जिल्ला सुरक्षा समितिसहित सरकारले आवश्यक सुरक्षा व्यवस्थापनका लागि फरक-फरक जिम्मेवारी दिएर सुरक्षाकर्मीलाई फिल्डमा खटाएको छ । कार्केड सवारीका दायाँबायाँ हरेक १० देखि १५ मिटरको दूरीमा सुरक्षाकर्मीलाई सडकमा तैनाथ गराइएको छ ।

राष्ट्रपति सीको कारकेड सवारीमा सडक पेटीबाट आवतजावत गर्न रोक

चिनियाँ राष्ट्रपति सी चिनफिङको सवारीका बेला सर्वसाधारणले दायाँ–बायाँ सडक पेटी समेत प्रयोग गर्न नपाउने भएका छन् ।