जिल्ला निर्वाचन कार्यालयका अनुसार खसेको मतमध्ये महिला ३६ हजार ९३९, पुरुष २७ हजार ८३९ र अन्य २ रहेका छन् । यसअनुसार पुरुषको तुलनामा महिलाको मत बढी खसेको देखिएको छ ।
अछाम — प्रतिनिधिसभा निर्वाचनअन्तर्गत अछाममा कुल ६४ हजार ७८० मत खसेको छ । जिल्ला निर्वाचन कार्यालयका अनुसार खसेको मतमध्ये महिला ३६ हजार ९३९, पुरुष २७ हजार ८३९ र अन्य २ रहेका छन् । यसअनुसार पुरुषको तुलनामा महिलाको मत बढी खसेको देखिएको छ ।
जिल्लामा कुल १ लाख ६५ हजार ३३७ मतदाता रहेका छन् । तीमध्ये महिला ८३ हजार ३०१, पुरुष ८२ हजार ३४ र अन्य २ जना छन् । कुल मतदातामध्ये ३९ दशमलव १८ प्रतिशत मत खसेको जिल्ला निर्वाचन कार्यालयले जनाएको छ ।
अछाममा प्रतिनिधिसभाअन्तर्गत दुई निर्वाचन क्षेत्र रहेका छन् । निर्वाचन क्षेत्र नम्बर–१ मा १०५ र क्षेत्र नम्बर–२ मा १०८ गरी जिल्लाभर २१३ मतदान केन्द्र रहेका छन् ।
प्रतिनिधिसभा निर्वाचनका लागि अछाम–१ र अछाम–२ बाट दलका ८/८ जना उम्मेदवार तथा एक स्वतन्त्र उम्मेदवार गरी १७ जना चुनावी मैदानमा छन् ।
