बैतडी — यहाँ फैलिएको ज्वरोका कारण एकै घरका दुई दाजुभाइको मृत्यु भएको छ । मृत्यु हुनेमा बैतडीको पुर्चौडी नगरपालिका–१० महरा गाउाका कैलाश महरा र मानमती महराका छोरा १३ वर्षीय विनोद महरा र १० वर्षीय विकास महरा रहेका छन् ।

उच्च ज्वरो आउने, जीउ दुख्ने, बान्ता हुने जस्ता लक्षणले दुई दाइभाइको मृत्यु भएको वडाध्यक्ष हिक्मत विष्टले जानकारी दिए । विनोदको गत सोमबार र विकासको शनिबार बिहान मृत्यु भएको हो । 

एक साताभित्रै दुई छोरा गुमाएकी मानमती शोक र रोग दुइटैले ग्रस्त बनेकी छिन् । कामको सिलसिलमा बाहिर रहेका उनका श्रीमान् कैलाश पनि जेठो छोराको मृत्युको खबर पाएपछि घर आएका थिए । कैलाशको स्वास्थ्य भने सामान्य रहेको छ ।

महरा दम्पतीका दुई मात्रै छोरा हुन् । दुइटैको मृत्यु भएपछि महरा दम्पतीको काख रित्तिएको छ । यो घटनाले गाउा नै शोकमा परेको छ ।