लगातारको शीतलहरका कारण चिसो अत्यधिक बढेकाले बालबालिका प्रभावित हुन सक्ने भन्दै बिदा दिने निर्णय गरेको हो।
कञ्चनपुर — लगातारको शीतलहरसँगै चिसो बढेपछि कञ्चनपुरका तीन स्थानीय तहले विद्यालयमा बिदा दिएका छन्।
यहाँका बेलौरी नगरपालिका तथा लालझाडी र बेलाडाँडी गाउँपालिकाले विद्यालयमा बिदा दिने निर्णय गरेका हुन्।
बेलौरी नगरपालिकाले २२ देखि २५ गतेसम्म, बेलडाँडीले २१ देखि २३ गतेसम्म र लालझाडी गाउँपालिकाले २२ र २३ गते बिदा दिने निर्णय गरेको हो।
केही दिनयता लगातारको शीतलहरका कारण चिसो अत्यधिक बढेकाले बालबालिकाहरु प्रभावित हुन सक्ने भन्दै बिदा दिने निर्णय गरेको हो।
