दैजी जोगबुढा सडक खण्ड अन्तर्गत कञ्चनपुरको बेदकोट नगरपालिका–३ सिउडीबागमा मंगलबार दिउँसो जिप दुर्घटना भएको थियो ।
कञ्चनपुर — दैजी जोगबुढा सडक खण्ड अन्तर्गत कञ्चनपुरको बेदकोट नगरपालिका–३ सिउडीबागमा जिप दुर्घटना हुँदा एक बालिकाको मृत्यु भएको छ भने ८ जना घाइते भएका छन् ।
मृत्यु हुनेमा दुई वर्षीया युविका पालको मृत्यु रहेको प्रहरीले जनाएको छ ।
मंगलबार दिउँसो दैजीबाट जोगबुढतर्फ गइरहेको से १ ज ४१७ नम्बरको जिप सिउडीबाग नजिक सडकबाट २० मिटर तल खसेको हो । जिपमा ९ जना यात्रु सवार थिए ।
घाइतेहरूको महाकाली प्रादेशिक अस्पतालमा उपचार भइरहेको जिल्ला प्रहरी कार्यालय कञ्चनपुरका डिएसपी सागर बोहोराले बताए ।
