आइतबार राति ११ बजे आएको पहिरोले गोतपानीमा घरमा चिरा पर्यो, परिवारलाई सुरक्षित स्थानमा सारियो।
दार्चुला — गए राति वर्षासँगै आएको पहिरोले व्यास गाउँपालिका-२ राप्लास्थित गोतपानी टोलका दुई घरमा क्षति गरेको छ । घरमुनिबाट पहिरो आएपछि स्थानीयका दुई घरमा क्षति भएको व्यास गाउँपालिकाका उपाध्यक्ष विनोद कुँवरले बताए ।
उपाध्यक्ष कुवरका अनुसार गोतपानी टोलका कालुराम कामी र मानमती कामीको घरमा पहिरोले क्षति गरेको छ ।
उनले आइतबार राति ११ बजेतिर घर मुनिबाट पहिरो आएपछि आँगन बगाउँदा घरमा समेत चिरा परेका छन् । जुनसुकै बेला पहिरोमा घर जाने सम्भावना रहेकाले दुई परिवारलाई सुरक्षित स्थानमा सारिएको उनले बताए ।
