बस र चालकलाई प्रहरीले नियन्त्रणमा लिएर थप अनुसन्धान गरिरहेको छ भने मृतकको शव पोस्टमार्टमका लागि टिकापुर अस्पतालमा राखिएको छ ।
कैलाली — कैलालीको टीकापुरमा मंगलबार बिहान बसको ठक्करबाट एक जनाको मृत्यु भएको छ भने एक जना घाइते भएका छन्।
इलाका प्रहरी कार्यालय टीकापुरका अनुसार बिहान करिब ९ बजे बसपार्कबाट लम्कीतर्फ गइरहेको सुप प्र ०१९००१९ ख ३५८३ नम्बरको बसले साइकल र मोटरसाइकल यात्रीलाई ठक्कर दिएको थियो।
दुर्घटनामा टिकापुर नगरपालिका–६ मिलनपुरका ४५ वर्षीय अटवारी चौधरीको मृत्यु भएको छ । घाइते भएका सुप प्र ०१९१२९प १८६९ नम्बरको मोटरसाइकल चालक २५ वर्षीय राजु चौधरीलाई कोहलपुर मेडिकल कलेजमा उपचार भइरहेको छ । अहिले उनी खतरामुक्त रहेको प्रहरीले जनाएको छ।
बस र बस चालकलाई प्रहरीले नियन्त्रणमा लिएर थप अनुसन्धान गरिरहेको छ भने मृतकको शव पोस्टमार्टमका लागि टिकापुर अस्पतालमा राखिएको छ ।
