डोटी — डोटीमा ११ दशमलव ६८ प्रतिशत जनसंख्या मात्रै स्वास्थ्य बिमाको पहुँचमा रहेका छन् ।

जिल्लाको जनसंख्या २ लाख ४ हजार ८ सय ३१ रहेकामा २३ हजार ९ सय १५ जनाले मात्रै स्वास्थ्य बिमा गरेको कार्यालय जिल्ला स्वास्थ्य कार्यालय प्रमुख रमेश मलासीले जानकारी दिए ।

सुदूरपश्चिम प्रदेशमा स्वास्थ्य बिमा गर्नेको संख्या २२ प्रतिशत रहेको छ । जिल्लामा स्वास्थ्य बिमा गर्ने घरपरिवारको संख्या ९ हजार २ सय ५५ रहेको प्रमुख रमेश मलासीले बताए । यहाँ स्वास्थ्य बिमा गर्नेहरूको संख्या पनि कम छ । 'जिल्लामा २०८०/०८१ मा दुई हजार तीन सय ८१ जनाले नयाँ स्वास्थ्य बिमा गरेकामा २०८१/८२ मा एक हजार पाँच सय तीन जनाले मात्र बिमा गरेका छन्,' उनले भने ।