कैलाली — कैलाली जिल्लाका विभिन्न स्थानहरूबाट अवैध रूपमा भारतबाट भन्सार छली गरी ल्याइएका विभिन्न सामानहरू प्रहरीले नियन्त्रणमा लिएको छ।
जिल्ला प्रहरी कार्यालय कैलाली तथा मातहत प्रहरी कार्यालयबाट खटिएको गस्ती टोलीले धनगढी उपमहानगरपालिका–३ बडरा, सिसा पोस्ट, र जोशीपुर गाउँपालिका–४ वाणीस्थित झोलुङ्गे पुल नजिक बेवारिसे अवस्थामा रहेका सामानहरू फेला पारेको हो।
प्रहरीका अनुसार बरामद गरिएका सामानहरूको अनुमानित मूल्य करिब १ लाख ५६ हजार २ सय ६० रुपैयाँ बराबर रहेको छ। ती सामानहरूमा विभिन्न प्रकारका कपडा, टप्स, सिद्रा माछा, किराना सामग्री लगायतका वस्तुहरू रहेका छन्।
प्रहरीले अहिले उक्त सामान नियन्त्रणमा लिई आवश्यक अनुसन्धान अगाडि बढाएको जनाएको छ।
