धनगढी — कैलालीको जानकी गाउँपालिका ५ अमौरामा बुधबार बिहान माइक्रोबसको ठक्करबाट साइकलमा यात्रा गरिरहेकी ४४ वर्षीया किहरु बडुवालको मृत्यु भएको छ ।
उनका श्रीमान् ५५ वर्षीय मानबहादुर बडुवाल घाइते रहेको इलाका प्रहरी कार्यालय टीकापुरका प्रहरी नायक उपरीक्षक नविन राजा बुढाथोकीले बताए । घाइते बडुवालको नेपालगञ्जमा उपचार भइरहेको छ ।
प्रहरीका अनुसार टीकापुरबाट लम्कीतर्फ गइरहेको सुपप्र ०१–००१ ज १५९८ नम्बरको माइक्रोले साइकलमा यात्रा गरिरहेका बडुवाल दम्पतीलाई ठक्कर दिएको थियो । प्रहरीले गाडीसहित चालकलाई नियन्त्रणमा लिएर थप अनुसन्धान भइरहेको प्रहरीको भनाइ छ ।
