धनगढी — ग्यास सिलिन्डर पड्किएर घाइते भएकी धनगढी उपमहानगरपलिका–६ मट्यारीकी ३६ वर्षीया मीना खड्काको आइतबार उपचारका क्रममा मृत्यु भएको छ ।
जिल्ला प्रहरी कार्यालय कैलालीका अनुसार खड्का काठमाडौंस्थित बर्न हस्पिटलमा उपचार भइरहेको थियो ।
त्यही घटनामा घाइते भएकी उनकी छोरी २० वर्षीया चन्द्रा खड्का र ग्यास बिक्रेता स्थानीय व्यापारी ४० वर्षीय गोविन्दराज जोशीको उपचार चलिरहेको प्रहरीले जनाएको छ । भान्सामा ग्यासको सिलिन्डर जडान गर्ने क्रममा पड्किएर तीनै जना घाइते भएका थिए ।
