धनगढी — सडक दुर्घटनामा परी सोमबार सुदूरपश्चिमका सभामुख भीमबहादुर भण्डारीका निजी सुरक्षा अधिकृत पीएसओ प्रहरी नायब निरीक्षक योगेन्द्रकुमार बोहराको मृत्यु भएको छ ।
सुप्रप ०१–००–प ३४२९ नम्बरको स्कुटर चलाइरहेका बोहरा धनगढी–अत्तरिया ६ लेन सडक खण्ड अन्तर्गत गोदावरी नगरपालिका २ दुर्घटनामा परेका हुन् । उनले चलाएको स्कुटर अनियन्त्रित भएर विद्युत्को पोलमा ठोक्किएर दुर्घटना भएको जिल्ला प्रहरी कार्यालय कैलालीका प्रहरी निरीक्षक दर्शन खड्काले बताए ।
बझाङको मष्टा गाउँपालिका-७ घर भएका ३४ वर्षीय बोहरालाई दुर्घटनापछि सेती प्रादेशिक अस्पतालमा पुर्याइएकोमा उपचारको क्रममा मृत्यु भएको हो ।
