धनगढी — छाउगोठमा बसेको अवस्थामा कैलालीको मोहन्यालकी एक महिला आइतबार राति चितुवाको आक्रमणमा परेर घाइते भएकी छिन् । मोहन्याल गाउँपालिका-७ कुइनेकी ४० वर्षीया एक महिला चितुवाको आक्रमणबाट घाइते भएकी हुन् ।
चितुवाको आक्रमणबाट महिलाको टाउको र गालामा चोट लागेको छ । उनलाई उपचारका लागि लम्की ल्याउन लागिएको स्थानीयबासीले बताए । चितुवाको आक्रमणबाट घाइते भएकी महिला घटनापछि उक्त छाउगोठ छाडेर अर्को खाली घरमा बसेकी छन् ।
