बसको ठक्करबाट बालकको मृत्यु

वसन्तप्रताप सिंह

बझाङ — बझाङको सदरमुकाम चैनपुर नजिकै बसले ठक्कर दिँदा तीन वर्षीय बालकको मृत्यु भएको छ । बालकको मृत्युपछि पीडित परिवार र स्थानीयहरूले प्रदर्शन गर्दा घटनास्थल तनाबग्रस्त बनेको छ ।


बसको ठक्करबाट सुर्मा गाउँपालिका – ३ का धनबहादुर बोहराको छोरा सरगम बोहराको मृत्यु भएको हो । सदरमुकाम प्रवेश गर्ने पक्की पुल नजिकै सडकमा खेलिरहेका बालकलाई पवनदूत यातायातको सु प प्र ०२–००१ ख १११९ नम्बरको बसले शनिबार दिउँसो २ बजेतिर ठक्कर दिएको थियो ।

बसको ठक्करबाट सख्त घाइते भएका उनको जिल्ला अस्पतालमा मृत्यु भएको प्रहरीले जनाएको छ ।

बालकलाई ठक्कर दिने बसचालक बैतडीको पुरचौडी नगरपालिका ५, का गणेश बोहरालाई प्रहरीले नियन्त्रणमा लिइसकेको छ । दुर्घटनापछि घटनास्थल चौड बजार क्षेत्र तनावग्रस्त बनेको छ ।

पीडित परिवार तथा आफन्तहरूले बस चालकलाई कारबाही गर्नुपर्ने तथा मृतक परिवारलाई राहत उपलब्ध गराउनुपर्ने माग गरिरहेका छन् ।

प्रकाशित : चैत्र १८, २०७९ १५:३४
प्रतिक्रिया
पठाउनुहोस्

वित्तीय साक्षरतामा युवालक्षित कार्यक्रम र डिजिटल बैंकिङ समावेश

वित्तीय साक्षरतामा बैंकले युवा लक्षित कार्यक्रम र डिजिटल बैंकिङ समावेश गर्नुपर्ने
कान्तिपुर संवाददाता

काठमाडौँ — बैंक तथा वित्तीय संस्थाले अब वित्तीय साक्षरता कार्यक्रम अन्तर्गत युवालक्षित कार्यक्रम र डिजिटल (विद्युतीय) बैकिङ सेवा पनि समावेश गर्नुपर्ने भएको छ ।

केन्द्रीय बैंकले जारी गरेको ‘वित्तीय साक्षरता मार्गदर्शन ०७९’ उक्त बैंक तथा वित्तीय संस्थाले वित्तीय सेवाहरुमा युवालक्षित कार्यक्रम र विद्युतीय वित्तीय सेवाहरु पनि समावेश गर्न पाउने व्यवस्था गरेको हो ।

विभिन्न वित्तीय संस्थाका छरिएका कार्यक्रमबाट वित्तीय साक्षरता प्रवर्द्धन अभियानले अपेक्षित गति लिन नसकेको हुँदा यस्ता कार्यक्रमलाई थप व्यवस्थित र समन्वयात्मक ढंगले एकीकृत रूपमा अघि बढाउन राष्ट्र बैंकले वित्तीय साक्षरता ढाँचा ०७९ जारी गरेको बताइएको छ ।

वित्तीय साक्षरताको लागि आवश्यक संस्थागत पूर्वाधार निर्माण गर्ने, लक्षित वर्ग केन्द्रित वित्तीय साक्षरता अध्ययन सामग्रीको प्रयोग सुनिश्चित गर्ने, वित्तीय साक्षरता कार्यक्रमको अनुगमनका लागि आधार निर्माण गर्ने, वित्तीय चेतना, ज्ञान र सीपको अभिवृदि गर्दै जिम्मेवार वित्तीय आचरणको विकास गर्ने र आधुनिक वित्तीय प्रविधिको प्रयोगलाई सरल, सहज र प्रभावकारी बनाउने मागर्दशनको उद्देश्य रहेको राष्ट्र बैंकले जनाएको छ ।

प्रकाशित : चैत्र १८, २०७९ १५:२५
पूरा पढ्नुहोस्
प्रतिक्रिया
पठाउनुहोस्
×