सुर्खेतमा ट्रक दुर्घटना हुँदा दुई जनाको मृत्यु - कर्णाली - कान्तिपुर समाचार
कान्तिपुर वेबसाईट
AdvertisementAdvertisement

सुर्खेतमा ट्रक दुर्घटना हुँदा दुई जनाको मृत्यु 

चाँदनी कठायत

वीरेन्द्रनगर — सुर्खेतमा ट्रक दुर्घटना हुँदा दुई जनाको मृत्यु भएको छ । गुर्भाकोट नगरपालिका–९ स्थित भालुखोला चौपारीडाँडामा शनिबार बिहान ना ४ ख ९७६१ नम्बरको मालबाहक ट्रक दुर्घटना हुँदा रुकुम पश्चिमको आठबिसकोट नगरपालिका–११ बस्ने २४ वर्षीय भीमबहादुर नेपाली र जाजरकोट नलगाढ नगरपालिका–१२ बस्ने २४ वर्षीय मिलन गुरुङको मृत्यु भएको हो ।

भीमबहादुर उक्त ट्रकका चालक हुन् ।

जिल्ला प्रहरी कार्यालयका प्रहरी नायब उपरीक्षक सुरज कार्कीका अनुसार दुई जना ट्रकमुनी च्यापिएको अवस्थामा फेला पारेपछि प्रहरीले क्रेनको मद्दतबाट शव निकालेको हो । दाङबाट सिमेन्ट र सरिया लोड गरी उक्त ट्रक जाजरकोटका लागि छुटेको थियो । ट्रक सडकभन्दा करिब ५० मिटर तल खसेको प्रहरीले जनाएको छ ।

प्रकाशित : असार ४, २०७९ १६:१४
प्रतिक्रिया
पठाउनुहोस्

एसपीपी केपी ओली नेतृत्वको सरकारकै पालामा अघि बढेको पुष्टि :  महामन्त्री शर्मा

कान्तिपुर संवाददाता

काठमाडौँ — सत्तारुढ नेपाली कांग्रेसका महामन्त्री विश्वप्रकाश शर्माले अमेरिकी स्टेट पार्टनरसिप प्रोग्राम (एसपीपी) केपी ओली नेतृत्वको सरकारकै पालामा अघि बढेको पुष्टि भएको दाबी गरेका छन् । उनले प्रमुख प्रतिपक्ष दल एमालेले आफ्नो पार्टी कांग्रेसलाई आक्षेप लगाउने ढंगले संसद्‌मा बोले पनि त्यसको २४ घण्टा नबित्दै सो प्रोग्राम ओली नेतृत्वकै सरकारले अघि बढाएको खुल्न आएको बताएका हुन् ।

उनले कूटनीतिक मर्यादाविपरीत सो प्रोग्राममा सामेल भएर नेपाली सेना पनि विवादमा पहिलो पटक सामेल भएको भन्दै असन्तुष्टि समेत व्यक्त गरे ।

नेपाल शिक्षक संघ, ललितपुरले शनिबार पाटनढोकामा गरेको कार्यक्रममा उनले सो प्रोग्राम राष्ट्रको हितमा नभएकाले अघि नबढाउने कुरा प्रधानमन्त्री शेरबहादुर देउवाले स्पष्ट पारिसकेको उल्लेख गर्दै नेपालले मुलुकको हितविपरीत कुनै पनि सन्धि, सम्झौता नगर्ने दोहोर्‍याए । महामन्त्री थापाले नेपालले अमेरिका, भारत, चीन कुनै पनि मुलुकबाट देश र जनताका हितका लागि सहयोग लिन सक्ने तर सैन्य गतिविधिमा भने कहिल्यै पनि सहभागी नहुने बताए । उनले एसपीपीबारे राष्ट्रिय एकतालाई कमजोर बनाउने गरी अभिव्यक्ति नदिन पनि राजनीतिक दलका नेताहरुको ध्यानाकर्षण गराए ।

कार्यक्रममा ललितपुर महानगरपालिकाका मेयर चिरीबाबु महर्जनले ललितपुरको शैक्षिक क्षेत्रको विकासका लागि आफूले सक्दो पहल गर्ने प्रतिबद्धता व्यक्त गरे । मेयर महर्जनले अघिल्लो कार्यकालमा आफूले गल्ती नगरेकै कारण जनताका आफूलाई पुन: निर्वाचित गरेको उल्लेख गर्दै अब झनै गतिशील भएर काम गर्ने आश्वासन दिए । उनले ललितपुर जिल्ला शैक्षिक हबको रुपमा रहेको उल्लेख गर्दै त्यहाँको सामूदायिक विद्यालयको पनि शैक्षिक गतिविधिलाई उन्नत बनाउन आफूले विज्ञहरुसँग परामर्श गरेर काम गरिरहेको बताए ।

प्रकाशित : असार ४, २०७९ १५:५९
पूरा पढ्नुहोस्
प्रतिक्रिया
पठाउनुहोस्
×