कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

क्वारेन्टाइनबाट घर फर्किएका सुर्खेतका एक युवाको मृत्यु

कलेन्द्र सेजुवाल

वीरेन्द्रनगर — दुई सातासम्म क्वारेन्टाइन बसेर घर फर्केका एक युवाको बिहीबार बिहान मृत्यु भएको छ । पञ्चपुरी नगरपालिका–१, सानीडाँडाका २० वर्षीय युवाको बिहान करिब २ बजेतिर मृत्यु भएको हो ।

भारतको मुम्बईमा मजदुरी गर्ने उनी जेठ पहिलो साता घर फर्किएका थिए । स्थानीय सरकारले १५ दिनसम्म जनता मावि विद्यापुरको क्वारेन्टाइनमा राखेको थियो । बुधबार दिउँसो आरडीटी परीक्षण गर्दा रिपोर्ट नेगेटिभ आएपछि उनी साथीहरुसँग घरतिर लागेका थिए ।

क्वारेन्टाइनबाट ८ घण्टा पैदल हिँडेर गाउँमा पुगेका उनी घरमा नबसी नजिकैको एक सामुदायिक भवनमा बसेका थिए । पञ्चपुर–१ का वडाध्यक्ष धनबहादुर बुढाका अनुसार क्वारेन्टाइनबाट उनीसँगै गएको ६ जनाको टोलीलाई माहुरी पालन स्रोत केन्द्रको भवनमा राखिएको थियो ।

‘आरडीटी रिपोर्ट नेगेटिभ आए पनि हामीले एक हप्तासम्म होम क्वारेन्टाइनमा बस्न सल्लाह दिएका थियौं, त्यहीअनुसार घर नजिकैको भवनमा बसेका थिए,’ उनले भने, ‘राति एक्कासि उनीसँग रहेका साथीहरुले मृत्यु भएको जानकारी दिए ।’ बिहान पौने २ बजेतिर समस्या भएको भन्दै युवाहरुले खबर गरेका र आधा घण्टामा त्यहाँ पुग्दा मृत्यु भइसकेको उनले बताए ।

मृतक युवाको पीसीआर परीक्षणका लागि स्वाब संकलन गरिएको छ । स्वाब परीक्षण रिपोर्ट आएपछि दाहसंस्कार कसरी गर्ने भन्नेबारे निर्णय गरिने वडाध्यक्ष बुढाले बताए ।

प्रकाशित : जेष्ठ २२, २०७७ १२:०४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?