अर्घाखाँची — मालारानीबाट सदरमुकाम सन्धिखर्कतर्फ आउँदै गरेको भारतीय कार सन्धिखर्क नगरपालिका-११ ढुंगे देउरालीमा दुर्घटना हुँदा चालककाे मृत्यु भएको छ ।
प्रहरीका अनुसार एचआर ५५ एयु ८७९३ नम्बरको भारतीय नम्बर प्लेटकाे कार दुर्घटना हुँदा मालारानी गाउँपालिका-७ का २६ वर्षीय चालक नवीन नेपालीको मृत्यु भएको हो ।
भारतकाे दिल्लीमा गाडी चलाउने काम गर्ने उनी तिहार मनाउन घरमा आएका थिए । आइतबार गाउँबाट सदरमुकाम आउने क्रममा दुर्घटनामा परी घटनास्थलमै मृत्यु भएको हाे ।
प्रहरीका अनुसार कार सडकबाट आठ सय मिटर तल खसेकाे प्रहरी नायव उपरीक्षक चक्रबहादुर मल्लले बताए ।
