बुटवल — लुम्बिनी प्रदेश सरकारका कृषि तथा भूमि व्यवस्था मन्त्री भण्डारीलाल अहिरले पदबाट राजीनामा दिएका छन् । उनी जनता समाजवादी पार्टीका प्रदेश सभा सदस्य हुन् ।
जसपाको केन्द्रीय कार्यकारिणी समितिको बैठकले कांग्रेस नेतृत्वको सरकारलाई विश्वासको मत नदिने निर्णय गरेपछि उनले बिहीबार मुख्यमन्त्री डिल्लीबहादुर चौधरीलाई सम्बोधन गर्दै राजीनामा दिएका हुन् ।
जसपाका ३ प्रदेश सभा सदस्यले नयाँ गठबन्धनबाट मुख्यमन्त्री बन्न लागेका माओवादी केन्द्रका संसदीय दलका नेता जोखबहादुर महरालाई मुख्यमन्त्रीमा समर्थन गर्दै हस्ताक्षर गरिसकेका छन् ।
