बर्दियाका संक्रमित कालीमाटीमा व्यापार गर्थे

कालीमाटीमा राँगाको मासु व्यापार गर्दै आएका संक्रमित पुरुष गत वैशाख २९ गते लालपुरबाट ट्रक चढेर काठमाडौं गएका थिए । जिल्ला स्वास्थ्य प्रमुख गोकर्ण गिरीले काठमाडौंमा परीक्षण गर्दा उनमा कोरोना पोजिटिभ रिपोर्ट आएको बताए । उनको काठमाडौंमा उपचार भइरहेको स्वास्थ्य कार्यालयले जनाएको छ ।

उनी चढेको ट्रक धनगढीका साहुको भएको र चालक-सहचाकलसँगै काठमाडौं गएको स्वास्थ्य प्रमुख गिरीले जनाए । उनको सम्पर्कमा आएकाको खोजी भइरहेको छ । संक्रमितका परिवारमा २२ जना छन् ।

शनिबार दिउँसो उनको गाउँका कसैलाई घरबाहिर निस्कन प्रतिबन्ध लगाइएको प्रमुख जिल्ला अधिकारी प्रेमलाल लामिछानेले बताए । उक्त गाउँ आसपास करिब आधा किमि वरिपरि सिल गरिएको छ । बर्दियामा हालसम्म दुई जनामा कोरोना पुष्टि भइसकेको छ ।