गोरखा — पृथ्वी राजमार्गअन्तर्गत तनहुँको आँबुखैरेनी गाउँपालिका–२ स्थित ऐनापहरामा बस दुर्घटनामा परी घाइते भएका पाँच जनाको उद्धार गरिएको छ । पाँचमध्ये दुई जना घाइतेको अवस्था गम्भीर रहेको इलाका प्रहरी कार्यालय आँबुखैरेनीका प्रहरी निरीक्षक टेकप्रसाद सुवेदीले बताए ।

गम्भीर घाइते एक जनालाई आँबुखैरेनीको अस्पतालमा उपचारपश्चात् चितवन मेडिकल कलेज रिफर गरिएको छ । गम्भीर घाइते एक जनाको भने आँबुखैरेनी अस्पतालमै उपचार भइरहेको छ । 

गाडीको अगाडिको भाग जमिनमा दबेकाले क्रेनको सहायताले बस निकाल्ने प्रयास भइरहेको उनले बताए । गाडीमा अन्य यात्रु सवार रहे/नरहेकोबारे यकिन भइनसकेको पनि सुवेदीको भनाई छ । ‘क्रेनको सहायताका वस निकाल्ने प्रयास गर्दै छाौ, गाडी भित्र अन्य यात्रु रहे/नरहेको यकिन भइसकेको छैन,’ उनले भने ।